خلونه نغير جو شويه
دكتور يگول لواحد محشش: تخفيف الوزن يحتاج عزيمة!
المحشش: صار تتدلل دكتور باچر عشاك عندي!
ولد يسأل أبوه :بابا شنو الفرق بين (القضاء والقدر) و (المصيبة)
گال الأب :لو رحنا نسبح بالشط وغرگت امّك، هذا ( قضاء و قدر) ما نعترض عليه!
لكن ( المصيبة ) لو طلعت امّك تعرف تسبح !!!
واحد فاز بمليون دولار فراح يبشر زوجته ، زوجته رأساً ماتت من الفرحة
گال : سبحان الله ، الخير لمن يجي ، يجي كلّه مرّة وحدة
اكو واحد اثول گاعد على سكه القطار: اجه القطار دك هورن ططططططططططططيط يمعود طططططيط ولاچنه يسمع..فداسه القطار ومات .. راحوا اهله يدفنوه..
اجه الدفان ايصيح عليه ويگله:اذا جاءك الملكان فقل لهم الله ربي ومحمد نبيي وبدا يردد هالجملة مرتين وثلاثه
عم الميت گلّه للدفان عمي ادفنه ادفنه هو هورن القطار ماسمعه اتريده ايسمعك؟؟
مجموعة صيادين طلعوا للصيد..كل صياد عندة كلب يجيبله الصيد مالته..واحد من الصيادين الكلب مالته يخاف من صوت الطلقات..جماعته گلوله سهلة وديه دائما للاعراس حتى يتعود على صوت الطلقات..
ورة 6 أشهر طلع ويه الكلب مالته للصيد..اول ماضرب الطلقة الكلب گام يهلهل
طالب بس مطفي گاعد بالصف كل شوية يضحك.وعلى غفله چان يخرب من الضحك.
المدرس تعصّب وصيّح عليه : ليش كل شويه تضحك؟
چان يگول : مو چنت دا أحچي لنفسي نكات واخر وحدة بيهم ما سامعها قبل بس تموت ضحك.
محشش يكلم زوجتة : حاضر يا حياتي .. تتدللين يا عمري .. آؤمريني يا گلبي ...
سأله صديقه : غريبة گاعد وتدلع بزوجتك .. مو من عوايدك ؟!!
گال : بيني وبينك ناسي اسمها !!
صعيدي خبط واحد بالعربية .. وأثناء التحقيق دار هذا الحوار :
الضابط : خبطته بالعربية إزاي ؟!!
الصعيدي : يا افندم آني اديته كلاكس وولعتله النور واديته فلاشر . وهو اللي مارضيش يبعد من طريقي !!
الضابط للمصاب : لما هو إداك كلاكس ما بعدتش ليه ؟!!
المصاب : يا بيه أنا قاعد في دكاني .. أبعد أروح فين !!
محشش سألوه : تعرف بيتهوفن ؟!!
قال : خليني أعرف هوفن أول شي بعدين اعرف بيتهم
موضوع: خلونه نغير جو شويه 
الإثنين أكتوبر 26, 2009 3:19 pm
